ოქროს ფასმა 4.6 ათას დოლარს გადააჭარბა - რა ღირს ძვირფასი ლითონი საქართველოში

მსოფლიო ბაზარზე ოქროსა და ვერცხლის ფასი მორიგ რეკორდულ მაჩვენებელზეა. Gold Price-ის მონაცემებით, ერთდღიან ჭრილში ოქრო 0.72%-ით არის გაძვირებული და თბილისის დროით 12:30 საათისთვის 1 უნციის ფასი 4 624 დოლარს შეადგენს. რაც შეეხება ვერცხლს, ერთ დღეში მისმა ფასმა 3.53%-ით მოიმატა და ამ მომენტისთვის ერთი უნციის ფასი 89.4 დოლარს შეადგენს. საქართველოს ბაზარზე 1 გრამი 999 სინჯის ოქროს ფასი საქართველოში 357-358 ლარის ფარგლებში მერყეობს. რაც შეეხება ვერცხლს, 999 სინჯიანი 1 გრამის ფასი 5.63 ლარის ფარგლებში შეგიძლიათ იყიდოთ.