NYT-ი წერს უკრაინისთვის დასავლეთის მხრიდან დაპირებული გარანტიების დეტალებზე

ამის შესახებ წერს გამოცემა The New York Times-ი ამ დოკუმენტების მცოდნე წყაროებზე დაყრდნობით. გამოცემის თანახმად, აშშ-ევროპის სამშვიდობო გეგმა მიზნად ისახავს უკრაინის წინააღმდეგ რუსეთის სამომავლო აგრესიის აღკვეთას და ითვალისწინებს უკრაინის არმიის გაძლიერებას, ქვეყნის შიგნით ევროპის ძალების განთავსებას და ამერიკული დაზვერვის მონაცემების უფრო ფართოდ გამოყენებას. გამოცემა ადასტურებს მანამდე გავრცელებულ ცნობებს, რომ ეს გარანტიები ახლოსაა ვალდებულებებთან, რომლებსაც ითვალისწინებს ჩრდილო-ატლანტიკური ხელშეკრულების მეხუთე მუხლი - თუმცა მათი პირობაა უკრაინის მხრიდან ნატოში გაწევრიანებაზე უარის თქმა. უსაფრთხოების დოკუმენტები წარმოადგენს საფუძველს უფრო ფართო სამშვიდობო შეთანხმებისა თითქმის ოთხწლიანი ომის დასასრულებლად. ამავე დროს, დოკუმენტები მიზნად ისახავს უკრაინის დაყოლიებას ტერიტორიის დათმობაზე და ნატოში ოფიციალურად გაწევრიანებაზე უარის თქმაზე, სამშვიდობო შეთანხმების ფარგლებში. გამოცემის თანახმად, პირველი დოკუმენტი განსაზღვრავს ზოგად პრინციპებს. ისინი ითვალისწინებს ნატოს მეხუთე მუხლის მსგავს გ...