ნეონაცისტური თავდასხმა მოსკოვის სკოლაში. მოკლულია 10 წლის ტაჯიკი მოსწავლე

მოსკოვის ტვერის სასამართლომ პატიმრობა შეუფარდა 15 წლის მოზარდს, რომელიც ბრალდებულია მოსკოვის ოდინცოვოს რაიონის დაბა გორკი-2-ში მდებარე ერთ-ერთი სკოლის მეოთხე კლასის მოსწავლის, ეთნიკურად ტაჯიკი ბავშვის მკვლელობაში. მკვლელობა მოხდა 16 დეკემბერს, დილით ღვთისმშობლის მიძინების სახელობის სკოლაში, სადაც მეცხრე კლასის მოსწავლემ ჯერ დაცვის თანამშრომელს შეასხა სახეში წიწაკის სპრეი, შემდეგ კი 10 წლის მოსწავლე თანასკოლელი მოკლა დანის რამდენჯერმე დარტყმის შედეგად. 15 წლის ტიმოფეი კ.-მ სკოლის შენობაში დანა და წიწაკის სპრეი შეიტანა. სოციალურ ქსლებში გავრცელებულ ვიდეოში მას აცვია ტანსაცმელი, რომელზეც მკაფიოდ ჩანდა წარწერა: "No Lives Matter" („არავის სიცოცხლეს არ აქვს მნიშვნელობა“). „No Lives Matter“ - სლოგანი ექსტრემისტული, მიზანთროპული ორგანიზაციისა, რომელიც ცნობილია, როგორც No Lives Matter (NLM). ეს ჯგუფი ეფუძნება ნიჰილიზმს, ანტიჰუმანიზმსა და ძალადობრივ ექსტრემიზმს. მკვლელობაში ბრალდებულმა მოზარდმა თავისი ქმედებები ვიდეოკამერით გადაიღო. Telegram-ის არხებმა და რუსულმა მედიასაშუალებამ გამოაქვეყნეს...