ნახევარსაუკონოვან მაქსიმუმზე - რატომ ძვირდება და რა იწვევს “ვერცხლის შიმშილს” გლობალურ ბაზარზე

ვერცხლის ფასმა ახალ ისტორიულ მაქსიმუმს მიაღწია. 13 იანვარს, თბილისის დროით 15:20 საათის მდგომარეობით, მსოფლიო ბირჟებზე ერთი უნცია ვერცხლის ფასმა 85.58 დოლარის შეადგინა. ეს პირველი შემთხვევაა, როცა ვერცხლმა უნციაზე 85 დოლარს გადააჭარბა. Reuters ვერცხლის გაძვირებას ინვესტორების მიერ უსაფრთხო თავშესაფრის აქტივების შეძენას უკავშირებს, რაც გეოპოლიტიკური გაურკვევლობის ზრდამ და აშშ-ის ფედერალური რეზერვის თავმჯდომარის, ჯერომ პაუელის წინააღმდეგ დაწყებული სისხლის სამართლის გამოძიებამ განაპირობა. The New York Times-ის ცნობით, კოლუმბიის ოლქის აშშ-ის პროკურატურამ ჯერომ პაუელის წინააღმდეგ სისხლის სამართლის გამოძიება ფედრეზერვის ვაშინგტონის შტაბ-ბინის რეკონსტრუქციასთან დაკავშირებით დაიწყო, რომელშიც პაუელი პროექტის მასშტაბის შესახებ სიცრუეში არის ეჭვმიტანილი. ანალიტიკოსების შეფასებით, აშშ-ის იუსტიციის დეპარტამენტის მუქარამ აშშ-ის ცენტრალური ბანკის დამოუკიდებლობისადმი ნდობა შეარყია და ძვირფასი ლითონის, როგორც უსაფრთხო თავშესაფრის აქტივების ზრდა გამოიწვია. ამ იმპულსის ხელშემწყობ დამატებით ფაქტორებს შ...