„მტვერი, რომელიც ასეთი პროდუქციისგან წარმოიშობა, კანცეროგენად ითვლება“ - დედაქალაქში მეორადი პროდუქციის რეალიზაციაზე რეგულაციები ამოქმედდა

დედაქალაქში ბიზნესისთვის ახალი რეგულაცია ამოქმედდა, რომლის მიზანიც მოსახლეობის ჯანმრთელობისთვის შემცველი საფრთხეების შემცირებაა.კერძოდ, თბილისის კონკრეტულ ზონებში აიკრძალა  ისეთი მასალების განთავსება და გაყიდვა, როგორიცაა შავი და ფერადი ლითონის ჯართი, ექსპლუატაციიდან გამოსული სატრანსპორტო საშუალებები და მათი ნაწილები. თემა საზოგადოებრივმა მაუწყებელმა გააშუქა.მისი ცნობით, თუკი მესაკუთრეები და მეწარმე სუბიექტები ზემოთ აღნიშნულ მასალებს საცხოვრებელ ადგილებში, რეკრეაციულ, სატყეო, სატრანსპორტო და სანიტარული დაცვის ზონებში განათავსებენ, სოლიდური სანქციით დაჯარიმდებიან. კერძოდ, „ადმინისტრაციულ სამართალდარღვევათა კოდექსში“ შეტანილი ცვლილებებით 500-დან 2 500 ლარამდე გაიზარდა ჯარიმა იმ ფიზიკური პირისთვის, რომელიც მარტივად აალებად, ფეთქებად და ამტვერებად მასალებს აკრძალულ ადგილებში განათავსებს. ხოლო იურიდიული პირისათვის იგივე დარღვევაზე მოქმედი 1000-ლარიანი ჯარიმა 5000 ლარი გახდა. დარღვევის განმეორების შემთხვევაში ჯარიმის ოდენობა კიდევ უფრო მაღალია და შესაძლოა 30 000 ლარსაც კი მიაღწიოს.ნარჩენების...