მსოფლიოში ოქრო და ვერცხლი ისევ ძვირდება - რა ღირს ერთი გრამი საქართველოში

საქართველოში ოქროს ფასი მცირედით გაიზარდა. ამ დროისთვის თბილისის ოქროს ბირჟაზე 999-სინჯიანი 1 გრამი ოქრო 375. ლარი ღირს, 750-სინჯიანი - 281 ლარი, ხოლო 585-სინჯიანი 1 გრამი ოქროს ფასი 219 ლარია. გაზრდილია ვერცხლის ფასიც - 800 სინჯის 1 გრამი ვერცხლი 3.94 ლარი ღირს, ხოლო 999 სინჯის - 4.92 ლარი. ოქროს ფასი მომატებულია გლობალურ ბაზარზეც. Reuters-ი წერს, რომ ძვირფასი ლითონის ღირებულება ექვსკვირიან მაქსიმუმზეა და ამის მიზეზი ფედრეზერვის გადაწყვეტილების მოლოდინი სახელდება. არსებობს ვარაუდი, რომ ცენტრალური ბანკი დეკემბერში შეამსუბუქებს პოლიტიკას. უფრო კონკრეტულად კი, ცვლილება განაკვეთის შემცირების ალბათობას გულისხმობს. რაც შეეხება ვერცხლს, Bloomberg-ის ცნობით, შეზღუდული მიწოდებისა და კურსის შემცირების მოლოდინის გამო. მისმა ფასმაც რეკორდულ მაჩვენებელს მიაღწია. უფრო კონკრეტულად კი, მსოფლიო ბირჟებზე ერთი უნცია ოქრო, თბილისის დროით 12:30 საათისთვის, 4 250 დოლარი ღირს, რაც ერთდღიან პერიოდში 0.73%-ით გაზრდილი ფასია. 0.87%-ით არის მომატებული ვერცხლის ფასი, ამ დროისთვის ერთი უნცია ბირჟებზე 57.22 დოლარი ღირს.