მსოფლიო ბანკმა 2026 წლის ეკონომიკური ზრდის პროგნოზი 2.6%-მდე გააუმჯობესა

მსოფლიო ბანკმა 2026 წლის გლობალური ეკონომიკური ზრდის პროგნოზი 2.6%-მდე გაზარდა, მაშინ, როცა ივნისში 2.3%-იან ზრდას პროგნოზირებდა. ამის შესახებ Bloomberg წერს. აშშ-ის ეკონომიკის პროგნოზი, წინა 1.6%-იან ზრდასთან შედარებით, წელს 2.2%-მდე გაიზარდა. 2026 წლის ახალი გლობალური პროგნოზი, ბანკის მიერ 2025 წელს მოსალოდნელ უფრო ძლიერ ზრდასთან შედარებით, უმნიშვნელო შენელებაზე მიუთითებს. მიზეზად გასული წლის ვაჭრობის „აფეთქება“ სახელდება, რადგან აშშ-ის პრეზიდენტის, დონალდ ტრამპის ტარიფების მოლოდინში კომპანიები და ოჯახები საქონლის შეძენას ჩქარობდნენ. მაღალი საიმპორტო ტარიფების მცირე გავლენისა და თავდაცვის ხარჯის ზრდის კომბინაციამ გასულ წელს გლობალური ზრდის, დაახლოებით. 2.7%-იან ნიშნულზე შენარჩუნებას ხელი შეუწყო. მსოფლიო ბანკის შეფასებით, „გლობალური ზრდა დიაპაზონში სულ უფრო იზღუდება, რა დროსაც მდგრადობა შეინიშნება, თუმცა ზრდა არ ჩქარდება.“ კერძოდ, 2023 წლიდან რეალური მშპ-ის ზრდა 2.6%-დან 2.8%-მდე დიაპაზონში რჩება, მაშინ, როცა კოვიდპანდემიამდელი ათწლეულის საშუალო მაჩვენებელი 3.2%-ს შეადგენდა. „არს...