მსხვერპლი მოჰყვა ოდესის ოლქის საპორტო ინფრასტრუქტურაზე რუსეთის ჯარების მორიგ შეტევას

ერთი ადამიანი დაიღუპა და ორი დაშავდა ოდესის ოლქის საპორტო და სამრეწველო ინფრასტრუქტურაზე რუსეთის ჯარების მორიგი დარტყმის შედეგად. ამის შესახებ 25 დეკემბერს დილით ტელეგრამ-არხით იუწყება ოდესის ოლქის სამხედრო ადმინისტრაციის ხელმძღვანელი ოლეჰ კიპერი. მისი ინფორმაციით, დაზიანებულია ადმინისტრაციული და სამრეწველო შენობები და საწყობები, რამდენიმე ადგილზე იყო ხანძარი, რომელიც დილის მდგომარეობით ლიკვიდირებულია. კონკრეტულად რომელ რაიონში და რომელი ობიექტები, კიპერს არ დაუსახელებია. ოდესის ოლქში საჰაერო განგაში გასულ ღამით გამოცხადდა და დილითაც გრძელდებოდა. ბოლო ხანს რუსეთის ჯარები განსაკუთრებით ინტენსიურად უტევენ ოდესის ოლქის საპორტო ინფრასტრუქტურას და ენერგოობიექტებს. 12 დეკემბერს რაკეტებითა და დრონებით შეტევის შედეგად ჩერნომორსკის პორტში თურქული კომპანიის სამოქალაქო გემიც დაზიანდა. რუსული რაკეტებითა და დრონებით მასირებული შეტევის შედეგად ენერგოობიექტების დაზიანების გამო ოდესის ოლქში კვირაზე მეტია მოქმედებს საგანგებო სიტუაციის რეჟიმი. ადგილობრივი ხელისუფლების ინფორმაციით, ქალაქ ოდესაში დღეს...