მომიტინგე აცხადებს, რომ სასამართლომ „ტროტუარის“ საქმეზე მის წინააღმდეგ საქმის წარმოება შეწყვიტა

მომიტინგე გიორგი წულაიამ, რომელსაც ტროტუარზე შეკრების გამო ფეხით მოსიარულეთა მოძრაობის შეფერხების ადმინისტრაციული ბრალდება წაუყენეს, განაცხადა, რომ თბილისის საქალაქო სასამართლოს მოსამართლე დავით მაკარიძემ იმსჯელა და „ტროტუარის“ საქმეზე მის წინააღმდეგ საქმის წარმოება შეწყვიტა. ეს პირველი გადაწყვეტილებაა მას შემდეგ, რაც საპროტესტო აქციების ჩატარების გამკაცრებული წესები ფეხით მოსიარულეთა ზონებსაც შეეხო. „საქალაქო სასამართლოდან დამირეკეს. მოსამართლე დავით მაკარიძემ იმსჯელა და „ტროტუარის“ საქმეზე შეწყვიტა საქმის წარმოება ჩემს წინაამღდეგ“, – დაწერა წულაიამ „ფეისბუქზე“ 8 იანვარს. „საქართველოს ევროპული და უკეთესი მომავლისთვის მებრძოლი ადამიანების განეიტრალებისა და დაშინების ყველა მცდელობა წარუმატებელი იქნება“. წულაიას დეკემბრის საკანონმდებლო ცვლილებებით, რომლითაც კიდევ უფრო გამკაცრდა საპროტესტო აქციების ჩატარების წესები, 15-დღიანი ადმინისტრაციული პატიმრობა ემუქრებოდა. დეკემბერში მსგავს საქმეებზე ათობით სხვა მომიტინგესაც წაუყენეს ბრალი, თუმცა მათი სასამართლო სხდომები, რომლებიც თავდაპირ...