მოკლული მასწავლებლის, გიგა ავალიანის ოჯახი გენერალური პროკურორის გადადგომას მოითხოვს

გენერალურ პროკურატურასთან საპროტესტო აქციას მართავენ მოკლული მასწავლებლის, გიგა ავალიანის ოჯახის წევრები, ადვოკატები და მხარდამჭერები. აქციაზე სიტყვით გამოსვლისას, ოჯახის ერთ-ერთმა ადვოკატმა ზაზა ხატიაშვილმა მოითხოვა გენერალური პროკურორის, გიორგი გვარაკიძის გადადგომა. მოგვიანებით ეს მოთხოვნა გაიმეორა გიგა ავალიანის ბიძამაც. ზაზა ხატიაშვილის სიტყვებით, თუ 17 იანვრამდე გიორგი გვარაკიძე არ გადადგება, 15:00 სთ-ზე აქციას გამართავენ და გიგა ავალიანის დედა ეკა კუპატაძე შიმშილობას დაიწყებს. „ვითხოვთ გენერალური პროკურორის, გიორგი გვარაკიძის გადადგომას. ყველა ადამიანი ერთი დღე ვიშიმშილებთ, ყველა, ვისაც მოგვინდება, ვიშიმშილებთ, სანამ ეს კაცთმოძულე პროკურორი არ მოგვშორდება", - თქვა ზაზა ხატიაშვილმა. მან მიმართა ქართველ ემიგრანტებს, საქართველოს საელჩოების შენობებთან გამართონ გამაფრთხილებელი აქცია. ამასთან, მისი თქმით, "საქართველოს ყველა ქალაქში გაიმართება აქცია კაცთმოძულე პროკურორის გადადგომის მოთხოვნით". აქციაზე გიგა ავალიანის დედამ ეკა კუპატაძემ შეკრებილებს მადლობა გადაუხადა მხარდაჭერისთვის...