მოკლული გიგა ავალიანის ოჯახი გამოძიებას ეჭვქვეშ აყენებს და პროკურორის გადადგომას ითხოვს

ოქტომბერში თავდასხმიდან რამდენიმე კვირის შემდეგ გარდაცვლილი მასწავლებლის, გიგა ავალიანის ოჯახი გენერალური პროკურორის გადადგომას და ინციდენტში სავარაუდოდ მონაწილე არასრულწლოვნების წინააღმდეგ ბრალდების გამკაცრებას ითხოვს. 8 იანვარს, თბილისში გამართული აქციის დროს, ავალიანის ოჯახმა გენერალური პროკურორის გიორგი გვარაკიძის გადადგომა მოითხოვა. ავალიანის დედა, ეკა კუპატაძე უკვე რამდენიმე კვირაა საპროტესტო აქციებს მართავს და დამნაშავეთა დასჯას მოითხოვს, ოჯახის ადვოკატმა ზაზა ხატიაშვილმა განაცხადა, რომ თუ გვარაკიძე 17 იანვრამდე არ გადადგება, კიდევ ერთი აქცია გაიმართება და ავალიანის დედა შიმშილობას დაიწყებს. აქციამდე ერთი დღით ადრე, 7 იანვარს, საქართველოს პროკურატურამ განცხადება გაავრცელა, რომელშიც ნათქვამია, რომ „კიდევ ერთხელ გამოთქვამს მზაობას, ნებისმიერ დროს შეხვდეს გიგა ავალიანის ოჯახის წევრებს და დეტალურად განუმარტოს თითოეული საგამოძიებო მოქმედების და ამ მოქმედებათა საფუძველზე დაკავებული პირების ქმედების სამართლებრივი კვალიფიკაციის მინიჭების საფუძვლები, ასევე ახალი მტკიცებულებების და...