მოქალაქეებს ხმა უნდა მივაწვდინო... - ზურაბ მენთეშაშვილი და ზურაბ ჭავჭანიძე ამბობენ, რომ ორი თვეა ციხეში შიმშილობენ

როგორც, მათი ადვოკატი და ახლობლები ჰყვებიან, მენთეშაშვილმა 31 ოქტომბერს თქვა საჭმელზე უარი, ჭავჭანიძემ - 19 ნოემბერს. თუმცა სპეციალურ პენიტენციურ სამსახურში ამბობენ, რომ ორი პატიმრიდან: „ერთი (რომელი არ დაუზუსტებიათ რ.თ.) არ ირიცხება მოშიმშილეთა სიაში, მეორე სრული შიმშილობიდან გადავიდა არასრულზე“. არასრული შიმშილობა - მდგომარეობა, როდესაც მიღებული საკვები არ არის საკმარისი ენერგიის საერთო დანახარჯებთან შედარებით; ასე განმარტავს ამ ტერმინს საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2013 წლის ბრძანება. „სამასამდე წერილი მომივიდა, ლამის ყველა ერთსა და იმავეს მეუბნება - დაანებე შიმშილს თავი, დაანებე შიმშილს თავი, მაგრამ რა ვქნა, კახელი ვარ, ჯიუტი“, - ამბობს ზურაბ მენთეშაშვილი. მისი ეს სიტყვები აქტივისტმა ნათია თოხაძემ ჩაიწერა, ორივე ზურაბ მენთეშაშვილიცა და ზურაბ ჭავჭანიძეც, მას დროდადრო ციხიდან ურეკავენ. ზურაბ მენთეშაშვილი 61 წლისაა. თბილისში, რუსთაველის გამზირზე, პროდასავლური აქციების ყოველდღიური მონაწილე 31 ოქტომბერს, ქუჩის გადაკეტვის გამო დააკ...