მენჯის, მალის, ნეკნის მოტეხილობა - თბილისის ავტობუსებში დაზარალებულები

რადიო თავისუფლებამ ავტობუსით მგზავრობისას დაშავებულთა ათობით ისტორია მოისმინა. ნახა სამედიცინო დოკუმენტაცია, რომელშიც მათი ტრავმებია აღწერილი. ჰყვებიან, რომ მკურნალობის ხარჯები თავად გადაიხადეს. ზოგიერთ შემთხვევაში, პოლიციამ გამოძიებაც დაიწყო, თუმცა როგორ დასრულდა, არ იციან. დაშავებულთა უმეტესობა ამბობს, რომ მათ არ უჩივლიათ თბილისის სატრანსპორტო კომპანიის "ცხელ ხაზზე". შსს-ს ოფიციალურ სტატისტიკაში, რომელიც სატრანსპორტო შემთხვევებს აღრიცხავს, არ არსებობს ცალკე გრაფა საზოგადოებრივ ტრანსპორტში დაზარალებულთა შესახებ. უწყების სტატისტიკაში აღრიცხულია საგზაო-სატრანსპორტო შემთხვევები ზოგადად, ავტობუსის ჩათვლით. ეს მონაცემი აერთიანებს როგორც საზოგადოებრივ, ისე სხვა ავტობუსების მონაწილეობით მომხდარ ავარიებს. 2025 წლის პირველ 9 თვეში, პოლიციამ აღრიცხა 83 საგზაო-სატრანსპორტო შემთხვევა ავტობუსის მონაწილეობით. დაშავდა 263 ადამიანი. დაიღუპა - 2. საზოგადოებრივ ტრანსპორტში დაშავებულთა ცალკე სტატისტიკა, „სავარაუდოდ, არ იწარმოება“, - გვითხრეს შსს-ს პრესსამსახურში. ზუსტად ერთი თვის წინ, 37 წლის სოფო...