Marinera (Bella 1) - რა გავიგეთ აშშ-ის მიერ დაკავებულ რუსეთის "ჩრდილოვანი ფლოტის" ტანკერზე

არ შესრულდა მოსკოვის მოწოდებები ტანკერ Marinera-ს [BELLA 1] დაკავებული ეკიპაჟის წევრების გათავისუფლების შესახებ, რომელთა შორისაც სავარაუდოდ, შესაძლოა საქართველოს მოქალაქეებიც იყვნენ. რუსეთის საგარეო უწყება „სერიოზულ შეშფოთებას“ გამოხატავს და მომხდარს „უკანონო ძალისმიერ აქტს“ უწოდებს. ექსპერტები რუსეთისა და აშშ-ის ურთიერთობებში მორიგ დაძაბულობას აკვირდებიან. ტანკერის დაკავებას დროში დაემთხვა საუბრები რუსეთის წინააღმდეგ აშშ-ის ახალი სანქციების დაწესების შესახებ. ვაშინგტონში, მაღალი რანგის თანამდებობის პირები მკაფიოდ მიანიშნებენ, რომ სანქცირებული და უკანონო ნავთობის ბლოკადა „მსოფლიოს ნებისმიერ ნაწილში“ ვრცელდება და რომ ვენესუელაში არაფერი ესაქმებათ ამერიკის მოწინააღმდეგეებს. დაკავებული ტანკერი აშშ-ის ოფიციალურ განცხადებებში მხოლოდ BELLA 1-ის სახელით არის მოხსენიებული. არ ახსენებენ Marinera-ს - მის მეორე სახელს, რომელიც ტანკერმა რუსეთის დროშით ცურვის უფლებასთან ერთად, 2025 წლის დეკემბერში მიიღო. ტანკერი ატლანტის ოკეანეში 7 იანვარს აშშ-ის სამხედროებმა დააკავეს ისლანდიასთან, ბრიტანეთის შ...