„მაგთი“ „ენერგო-პრო ჯორჯიას“ ხელოვნური დაბრკოლებების შექმნაში ადანაშაულებს

საქართველოში მოქმედებს კანონი , რომელიც კომპანიებს ავალდებულებს საკუთარი ინფრასტრუქტურის გამოყენების უფლება მისცეს სხვა კომპანიას კონკრეტული ტარიფებითა და პირობებით - ეს ზოგავს კომპანიების ხარჯს და ამარტივებს ახალი აბონენტების ჩართვას. „შეზღუდვა თავდაპირველად შეეხო ახალი აბონენტების ჩართვას, ხოლო შემდგომ უკვე მომსახურების პროცესში გამოვლენილი დაზიანებების აღდგენისათვის დაშვების შერჩევითი და დროში გაჭიანურებული „სამუშაო" პროცესის დადგენას. ხელოვნური შეზღუდვების შედეგად დღეს მოკლებული ვართ შესაძლებლობას განვახორციელოთ ახალი აბონენტის ჩართვა ან სერვისზე დაფიქსირებული დაზიანების აღდგენა, თუ ამისათვის აუცილებელია სს „ენერგოპრო ჯორჯიას“ საკუთრებაში არსებული ელექტრომომარაგების ბოძზე დაშვება“, - აცხადებენ „მაგთიში“. თავის მხრივ „მაგთიკომს“ მოქმედ და პოტენციურ აბონენტებთან ხარვეზის აღმოფხვრასა და ქსელში ჩართვასთან დაკავშირებით განსაზღვრული ვადები აქვთ. კომუნიკაციების კომისია საკითხს იმ შემთხვევაში განიხილავს, თუკი აბონენტები მას მიმართავენ - ამ დროს კომისიონერები იმსჯელებენ, რამდენად არგუმენტ...