„მაღაროელების საქმეზე“ განაჩენის გამოცხადება გადაიდო - საით მიდის საქმე?

ქუთაისის საქალაქო სასამართლოში 16 იანვარს დასრულდა 4 მაღაროელის საქმის განხილვა.4 მაღაროელი, გიორგი ნეფარიძე, მერაბ სარალიძე, თენგიზ გველესიანი და აჩიკო ჭუმბურიძე, რომლებმაც წინასწარ პატიმრობაში 9 თვე გაატარეს, დღეს განაჩენს ელოდა.თუმცა მოსამართლე თამარ მაზანაშვილმა განაჩენის გამოცხადება 20 იანვრამდე გადადო.ქუთაისის სასამართლოში მყოფი მაღაროელების ახლობლების განცხადებით, 16 იანვარს, დღის სამ საათზე ჩანიშნული სასამართლო პროცესი, მოსამართლე მაზანაშვილმა ერთი საათის დაგვიანებით დაიწყო, სხდომის დასრულების შემდეგ, დარბაზში შეკრებილებს მიმართა, რომ „სათათბიროდ გადიოდა განაჩენის გამოსატანად“. თუმცა ნახევარი  საათის შემდეგ მანდატურის საშუალებით შეუთვალა პატიმრებს და მათ ახლობლებს, რომ განაჩენის გამოცხადება 20 იანვრამდე გადადო.მაღაროელებს – გიორგი ნეფარიძეს, მერაბ სარალიძეს, თენგიზ გველესიანს და აჩიკო ჭუმბურიძეს პროკურატურა სისხლის სამართლის 118-ე მუხლის მეორე ნაწილით (ჯანმრთელობის განზრახ ნაკლებად მძიმე დაზიანება) ედავებოდა.შემთხვევა 2025 წლის 28 აპრილს მოხდა. ბრალდების მიხედვით, ოთხი მაღაროელ...