მადუროს დაკავების შემდეგ პირველად, ამერიკელი დიპლომატების გუნდი ვენესუელაში ჩავიდა

9 იანვარს, ნიკოლას მადუროს დაკავების შემდეგ პირველად, ამერიკელი დიპლომატების მცირე გუნდი ვენესუელაში ჩავიდა. მხარეებმა განაცხადეს, რომ მათი წარმომადგენლები ქვეყნებს შორის დიპლომატიური ურთიერთობების აღდგენის შესაძლებლობებს იკვლევენ. აშშ-ს სახელმწიფო დეპარტამენტის განცხადების თანახმად, დიპლომატების მცირე ჯგუფი კარკარასში, უსაფრთხოების ჯგუფთან ერთად, აშშ-ს საელჩოს ხელახალი გახსნის პერსპექტივის შესაფასებლად ჩავიდა. ამასთან, ვენესუელას მთავრობამ პარასკევს განაცხადა, რომ  შეერთებულ შტატებში დელეგაციის გაგზავნას გეგმავს, თუმცა არ დაუკონკრეტებია როდის. განცხადებაში ვენესუელის მოქმედი პრეზიდენტის, დელსი როდრიგესის მთავრობის წარმომადგენლებმა აღნიშნეს, რომ ვენესუელამ "გადაწყვიტა აშშ-ს მთავრობასთან დაიწყოს დიპლომატიური ხასიათის კვლევითი პროცესი, რომელიც ორი ქვეყნის შორის დიპლომატიური მისიების ხელახალ აღდგენას ისახავს მიზნად".