LIVE თორნიკე თოშხუასა და მინდია შერვაშიძის სასამართლო: იკითხება ყოფილი ფეხბურთელი ბექა გოცირიძე

15:15 - ადვოკატები აყენებენ შუამდგომლობას გაუქმდეს აღკვეთის ღონისძიება პატიმრობა, მას შემდეგ, რაც დაიკითხა მთავარი მოწმე ბექა გოცირიძე.ომარ ფურცელაძის თქმით, დარჩა მხოლოდ ერთი მოწმე, შსს-ს თანამშრომელი, რომელიც პროცედურულ საკითხებზე მიაწოდებს სასამართლოს ინფორმაციას, ბექა გოცირიძე უკვე დაკითხულია.ამას გარდა, ბექა გოცირიძის ჩვენებამ, ადვოკატის თქმით, ახალი გარემოებები გამოკვეთა და მოლოდინი გამამართლებელ განაჩენზე „ერთიორად გაიზარდა“.ალტერნატივად დაცვის მხარემ მოსამართლეს გირაო შესთავაზა. „ოდენობა განისაზღვროს სიმბოლური ოდენობით“, - ამბობს ომარ ფურცელაძე. თუმცა დაცვის მხარის პირველი მოთხოვნაა - სრულად გაუქმდეს აღკვეთის ღონისძიების ყველაზე მკაცრი ფორმა - პატიმრობა.ადვოკატმა დათო კუპრავამ ციტატა მოიყვანა ბექა გოცირიძის ჩვენებიდან და განაცხადა, რომ რისკები აღარ არსებობს, ამიტომ ისინი დარბაზიდან უნდა გათავისუფლდნენ.