LIVE ირანში დაღუპულთა რიცხვი იზრდება - გათიშეს ინტერნეტი

ორმა გავლენიანმა ადამიანის უფლებათა დამცველმა ჯგუფმა დაგმო ირანის ხელისუფლების მიერ ქვეყანაში მიმდინარე საპროტესტო აქციების დარბევა და განაცხადა, რომ მათ ძალა უკანონოდ გამოიყენეს და თვითნებურად მასობრივად დააპატიმრე მომიტინგეები. 8 იანვარს გამოქვეყნებულ ერთობლივ დასკვნაში, Amnesty International-მა და Human Rights Watch-მა (HRW) განაცხადეს, რომ 31 დეკემბრიდან 3 იანვრამდე ირანის რვა პროვინციის 13 ქალაქში უსაფრთხოების ძალებმა სულ მცირე 28 მომიტინგე და უბრალო გამვლელი მოკლეს, მათ შორის ბავშვები. საპროტესტო აქციების ახალი ტალღა 28 დეკემბერს დაიწყო და მას შემდეგ ქვეყნის დიდი ნაწილი მოიცვა. HRW-მ განაცხადა, რომ Amnesty-სთან ერთად აღმოაჩინეს მტკიცებულებები, რომ უსაფრთხოების ძალები - მათ შორის ირანის პოლიცია და ისლამური რევოლუციის გვარდიის კორპუსი (IRGC) - იყენებდნენ „შაშხანებს, ლითონის ტყვიებით დატენილ თოფებს, წყლის ჭავლს, ცრემლსადენ გაზს და ფიზიკურ ძალადობას ძირითადად მშვიდობიანი მომიტინგეების დასაშლელად, დასაშინებლად და დასასჯელად“. „ირანის უსაფრთხოების ძალების მიერ ძალის უკანონოდ, მათ შო...