ლილუაშვილის ქოლ-ცენტრებთან დაკავშირებული ბრალი - როგორ უჩივლა მან "მთავარ არხსა“ და „ფორმულას“

ადვოკატი მარი კაპანაძე, რომელიც ტელეკომპანია "ფორმულის" ინტერესებს იცავდა სასამართლოში, სახელმწიფო უსაფრთხოების სამსახურის იმჟამინდელი უფროსის გრიგოლ ლილუაშვილის სარჩელთან დაკავშირებით, სოციალურ ქსელში გამოქვეყნებული პოსტით ეხმაურება, დღეს 23 დეკემბერს გენერალური პროკურორის განცხადებას. გენერალურმა პროკურორმა გიორგი გვარაკიძემ სუს-ის ყოფილი უფროსის გრიგოლ ლილუაშვილის მიმართ ბრალის წარდგენის თაობაზე გამართულ ბრიფინზე, ერთ-ერთ ეპიზოდზე საუბრისას, რომელიც ქოლ-ცენტრებს შეეხებოდა განაცხადა, რომ "გრიგოლ ლილუაშვილი სხვა თანამზრახველებთან ერთად უზრუნველყოფდა, რომ არ გამჟღავნებულიყო ოპოზიციური მედიასაშუალებების დამფინანსებელი თაღლითური ქოლ-ცენტრების არსებობა, ხოლო თავის მხრივ ოპოზიციური მედიასაშუალებები არ აშუქებდნენ ინფორმაციას ლილუაშვილის მფარველობის ქვეშ არსებული თაღლითური ქოლ-ცენტრების არსებობის შესახებ, მიუხედავად იმისა, რომ მათ ეს ინფორმაცია გააჩნდათ". ადვოკატი მარი კაპანაძე წერს, რომ სასამართლომ "მთავარ არხსა“ და „ფორმულას“ გრიგოლ ლილუაშვილის შესახებ მომზადებული რეპორტაჟების გამო 1 ლარ...