ლელა ჯეჯელავა - დავოსის ფორუმზე არმიწვევა ნიშნავს, რომ ჩვენი ხელისუფლება „ფეის კონტროლს“ ვერ გადის, ირანის მოვლენების გამო „ოცნების“ კრიტიკა კი სწორი არ მგონია: ირანის რეჟიმის მიმართ სიფრთხილე არის ანგარიშგასაწევი

საქართველოს ხელისუფლება „ფეის კონტროლს“ ვერ გადის იმ პოლიტიკურ წრეებში, სადაც მსოფლიოს განვითარების ტენდენციები და პერსპექტივები წყდება და იხილება, - ამის შესახებ „პალიტრანიუსის“ გადაცემა „დღის ნიუსრუმში“ სტუმრობისას ანალიტიკოსმა ლელა ჯეჯელავამ განაცხადა, რითაც გამოეხმაურა იმ ფაქტს, რომ დავოსის მსოფლიო ეკონომიკურ ფორუმში საქართველო არ იღებს მონაწილეობას. როგორც ჯეჯელავამ აღნიშნა, „ქართული ოცნებისთვის“ ეს არის მკაფიო გზავნილი, რომ არაა პრესტიჟული კლუბის წევრი. „[არდაპატიჟება] „ქართული ოცნებისთვის“ არის ძალიან მკაფიო გზავნილი: „თქვენ არ ხართ ამ პრესტიჟული კლუბის წევრები, რომლებიც მსოფლიოს ეკონომიკისა და პოლიტიკის განვითარების ტენდენციებსა და პერსპექტივებს წყვეტენ“. საქართველოს ხელისუფლება „ფეის კონტროლს“ ვერ გადის იმ პოლიტიკურ წრეებში, სადაც მსოფლიოს განვითარების ტენდენციები და პერსპექტივები წყდება და იხილება“, - განაცხადა ლელა ჯეჯელავამ. რაც შეეხება სხვა საკითხებს, ანალიტიკოსმა გლობალური პოლიტიკური საკითხებიც შეაჯამა, მათ შორის აშშ-ის პრეზიდენტის, დონალდ ტრამპის იმ განცხადებასთან დაკ...