LEGO-მ ჭკვიანი კუბიკები გამოუშვა

LEGO-მ მსოფლიოში ყველაზე გავლენიან ტექნოლოგიურ ღონისძიებაზე, CES 2026-ზე ინტერაქტიული სისტემა, Smart Play წარადგინა. ეს არის ჭკვიანი კუბიკები, Smart Bricks, რომლებიც თამაშზე ეკრანებისა და სმარტფონების გარეშე რეაგირებენ. ინფორმაციას LIGA.net კომპანიაზე დაყრდნობით ავრცელებს. კომპლექტი Smart Bricks-ს, Smart Tag-ფილებსა და ჭკვიან მინიფიგურებს მოიცავს. ყველა ელემენტს ერთმანეთთან ურთიერთქმედება შეუძლია. მაგალითად, ვერტმფრენის აწყობის შემთხვევაში კუბიკი ინთება, პროპელერის ხმას გამოსცემს და ხელის მოძრაობაზე რეაგირებს. კუბიკებში ASIC-ის ჩიპი, LED-ები, დინამიკი და აქსელერომეტრი არის მოთავსებული. ისინი ახლომდებარე ფილებს მაგნიტური პოზიციონირების გამოყენებით ამოიცნობენ. Smart Bricks-ებს შორის კომუნიკაციისთვის LEGO-მ უსაფრთხო Bluetooth-პროტოკოლი, BrickNet შექმნა. არაფრის დაყენება საჭირო არ არის და ყველაფერი ყუთიდან ამოღებისთანავე მუშაობს. სისტემა ეკრანებს არ შეიცავს და აპლიკაციასთან კავშირს არ საჭიროებს. ყველა ელემენტი აწყობისთანავე ავტონომიურად მუშაობს. 2026 წლის 1-ელ მარტს Star Wars-ის („ვარ...