Le Figaro: სკანდალი, დაპირისპირება ბრიუსელის ინსტიტუტებს შორის, ლეგიტიმაციის ნაკლებობა წევრი სახელმწიფოების წინაშე - ევროკავშირის საგარეო ქმედებათა სამსახური ღრმა ეგზისტენციალურ კრიზისს განიცდის

სკანდალი, დაპირისპირება ბრიუსელის ინსტიტუტებს შორის, ლეგიტიმაციის ნაკლებობა წევრი სახელმწიფოების წინაშე - ევროკავშირის საგარეო ქმედებათა სამსახური ღრმა ეგზისტენციალურ კრიზისს განიცდის, - წერს ფრანგული გაზეთი Le Figaro სტატიაში სათაურით კაია კალასი უძლურია ევროკავშირის დიპლომატიური სამსახურის წარუმატებლობის წინაშე. „გასული კვირის ბოლოს ემანუელ მაკრონის მიერ გაკეთებულმა განცხადებამ, რომ „ვლადიმირ პუტინთან საუბარი კვლავ სასარგებლო იქნებოდა“, ბრიუსელის წრეებში სპეკულაციები გამოიწვია: ვის შეიძლება დაეკისროს კრემლის მბრძანებელთან თანამოსაუბრის როლი? კაია კალასს, ევროკავშირის დიპლომატიის ხელმძღვანელს? ნაკლებად სავარაუდოა, რომ საფრანგეთის პრეზიდენტს სწორედ ეს ჰქონოდა მხედველობაში. ეს ეპიზოდი კიდევ ერთხელ უსვამს ხაზს ევროკავშირის საგარეო პოლიტიკაში არსებულ უთანხმოებას“, - ნათქვამია სტატიაში. 2009 წელს შექმნილი ევროკავშირის დიპლომატიური სამსახური (ევროკავშირის საგარეო ქმედებათა სამსახური) „სულს ღაფავს“ - ამბობს ბრიუსელში მომუშავე ერთ-ერთი დიპლომატი. იდეა, რომ ევროპულ ინსტიტუტებს ერთიანი, ცენტრ...