„კომპანიების მხოლოდ 5% იყენებს ელ. კომერციის არხებს საკუთარი პროდუქციის გასაყიდად“ – „თიბისი კაპიტალი“

„საქართველოს ელექტრონული კომერციის ბაზარი ზრდას განაგრძობს. 2025 წლის 9 თვეში ბაზარი წლიურად 35%-ით გაიზარდა და 7.62 მილიარდ ლარს მიაღწია“, - ამის შესახებ აღნიშნულია „თიბისი კაპიტალის“ ბაზრის მიმოხილვაში. კვლევის თანახმად, 2024 წელს ელექტრონული კომერციის ბაზრის 38%, 3 მილიარდი ლარი, ადგილობრივ მოვაჭრეებზე მოდის. ადგილობრივი სექტორი 2025 წელსაც განაგრძობს ზრდას და 9 თვეში 3.1 მილიარდ ლარს აღწევს. „საგრძნობი ზრდა ფიქსირდება საქართველოდან საერთაშორისო ელ-კომერციის ბაზარზე დანახარჯებში, რომელიც 2025 წლის 9 თვეში 4.5 მილიარდ ლარს გაუტოლდა, თუმცა, ზრდის ტემპი ადგილობრივი ბაზრის მაჩვენებელს ჩამორჩება. საქართველოს ელექტრონული კომერციის ბაზრის ზრდა ამანათების რაოდენობაშიც აისახა. მონაცემები გვაჩვენებს, რომ ქართული წარმოშობის ამანათების წილი ჯამურ ამანათებში 2020 წელთან შედარებით 13 პროცენტული პუნქტითაა გაზრდილი. ელექტრონული კომერციის საერთაშორისო ბაზარზე განხორციელებული ტრანზაქციების საშუალო ზომა დაახლოებით 3-ჯერ აღემატება საქართველოს ადგილობრივი ბაზრის შესაბამის მაჩვენებელს. ელექტრონული კ...