კოლექტიური ჰიპნოზის ძალა

სტენლი კუბრიკის შედევრის აღდგენილი ვერსიის მსოფლიო პრემიერა დაემთხვა „ნეტფლიქსისა“ და Warner Bros.-ის შეთანხმებას, რომელსაც შეიძლება ისტორიული ვუწოდოთ - სტრიმინგის სერვისი ყიდულობს ყველაფერს, რაც კი შექმნილა ჰოლივუდის ამ უძველეს სტუდიაში. „ნათებას“ ამჟამად უჩვენებენ თბილისის კინოთეატრებშიც და შეგიძლიათ ერთ პატარა ექსპერიმენტს მიმართოთ - წახვიდეთ კინოში, ნახოთ კუბრიკის, ჩემი აზრით, ყველაზე სრულყოფილი ფილმი, მერე კი ხელმეორედ უყუროთ თქვენს კომპიუტერში. სხვათა შორის, 1980 წელს, „ნათების“ პრემიერის შემდეგ, არაერთ მაყურებელს უთქვამს, რომ ფინალური ტიტრების დაწყებისთანავე გაუჩნდათ ფილმის ხელახლა ნახვის სურვილი, რათა „რაღაცები გაერკვიათ“; სტივენ კინგის რომანის ამ ეკრანიზაციის მთავარი მხატვრული სახე ხომ ლაბირინთია... არა მარტო ვიზუალური ლაბირინთი, დახლართული სივრცეებით და ქვეცნობიერი სამყაროს გამომხატველი ხატებით, არამედ ლაბირინთი-გამოცანა, ერთგვარი თავსატეხი, რომელიც უამრავ პასუხგაუცემელ კითხვას სვამს. მაგრამ „ნათების“ ორჯერ ნახვას კინოში, შემდეგ კი თქვენს ლეპტოპზე თუ „სახლის კინოთეატრში“ იმი...