ქიშმიშიდან ჰეროინამდე - რას ყიდულობს და ყიდის საქართველო ირანში, რა შემოდის უკანონოდ?

ირანიდან ექსპორტირებული პროდუქციის ყველაზე მსხვილი მომხმარებლები ჩინეთი, ერაყი და არაბთა გაერთიანებული საამიროებია - თეთრ სახლს ჯერ არ გაუვრცელებია ინფორმაცია იმის შესახებ, თუ როგორ იმუშავებს პრეზიდენტ ტრამპის ახალი ინიციატივა პრაქტიკაში, ან კონკრეტულად რომელ ქვეყნებზე როგორ გავრცელდება. წინასწარი ვარაუდით, ტრამპის ეს გადაწყვეტილება, მისი ამოქმედების შემთხვევაში ყველაზე დიდ დარტყმას ჩინეთს მიაყენებს, რომელიც ირანს ნავთობპროდუქტების გასაღებაში წლებია ეხმარება. „ნებისმიერი ქვეყანა, რომელიც ირანის ისლამურ რესპუბლიკასთან ბიზნესურთიერთობას აწარმოებს, ამერიკის შეერთებულ შტატებთან განხორციელებული ყველა საქმიანი ურთიერთობისთვის 25%-იან ტარიფს გადაიხდის" - ესაა ტრამპის განცხადება. ითქვა, რომ "განკარგულება საბოლოოა და არ შეიცვლება", ახალი ტარიფები კი „დაუყოვნებლივ ამოქმედდა“. ჯერჯერობით ღიად არის კითხვა იმის შესახებ, დამატებით 25% დაემატება ტრამპის ადმინისტრაციის მიერ შემოღებულ და 2025 წლის აგვისტოში ამოქმედებულ ახალ ტარიფებს, რაც რიგი ქვეყნებისთვის 40 და 50%-იან ტარიფებს აწესებდა თუ 25%-მდე...