ხელოვნური ინტელექტიდან შეიარაღებულ კონფლიქტებამდე - რომელია 2026 წლის მთავარი გლობალური საფრთხეები

2026 წლის ყველაზე სერიოზული მოკლევადიანი რისკების სიაში პირველ ადგილზე გეოპოლიტიკური მეტოქეობა და სტრატეგიული დაპირისპირებებია. ამის შესახებ მსოფლიო ეკონომიკური ფორუმის (WEF) გლობალური რისკების ახალ ანგარიშში წერია, რასაც CNBC ავრცელებს. ანგარიში მთავრობების, ბიზნესისა და სხვა ორგანიზაციების, დაახლოებით, 1300 წარმომადგენლის გამოკითხვას ეფუძნება. გამოკითხული ბიზნეს-მმართველებისა და სხვადასხვა ორგანიზაციის ლიდერების ნახევარი მომდევნო ორი წლის განმავლობაში არასტაბილურ პერიოდს მოელის, ხოლო უფრო მშვიდ პერიოდს გამოკითხულთა მხოლოდ 1% ელოდება. WEF -ის შეფასებით, ამჟამად მსოფლიო „უფსკრულის ზღვარზეა.“ კერძოდ, მომდევნო ორი წლის განმავლობაში ბიზნესის მთავარ საფრთხეებს შორის პირველ ადგილზე „გეოეკონომიკური დაპირისპირებაა.“ ასევე, მოხსენიებულია კონკურენციის ზრდა და ეკონომიკური ინსტრუმენტების ბერკეტად გამოყენება, როგორიც არის ტარიფები, რეგულაციები, მიწოდების ჯაჭვები და კაპიტალის კონტროლი. WEF გაფრთხილებას იძლევა, რომ ამან შესაძლოა, გლობალური ვაჭრობის მნიშვნელოვანი შემცირება გამოიწვიოს. გამოკითხულთ...