ხარკოვთან მდებარე ეკოპარკს ბომბი მოხვდა, დაიჭრა თანამშრომელი, დაიღუპნენ ფრინველები, დაიჭრნენ ლომები

ხარკოვის მახლობლად მდებარე ეკოპარკზე რუსეთის ავიადარტყმის შედეგად დაიჭრა ერთი ადამიანი, დაიღუპნენ ფრინველები, დაიჭრნენ ლომები, იტყობინება „სუსპილნე“ პარკის დამფუძნებელსა და ვერხოვნა რადის დეპუტატ ოლექსანდრ ფელდმანზე დაყრდნობით. ხარკოვის ადმინისტრაციის ხელმძღვანელმა ოლეჰ სინეჰუბმა განაცხადა, რომ აფეთქების შედეგად ტრავმა მიიღო 40 წლის ქალმა. ფელდმანმა დააზუსტა, რომ ქალი მოხალისედ მუშაობდა პარკში. ის საავადმყოფოში მოათავსეს. „მთლიანად დანგრეულია მტაცებელი ცხოველებისა და ფრინველების ზამთრის საცხოვრებლები. ლომები დაიჭრნნენ, არ გვესმის, რა სჭირთ ვეფხვებს. ერთი სამსართულიან შენობაში შევარდა, კიდევ ერთი ნახევრად გახსნილ ვოლიერში ზის. ქოხში დაიმალა, ჯერჯერობით ზის. სედატიურ თოფს ველოდებით. ჩვენი ყველა სედატიური საშუალება იყო შენობაში, რომელსაც ბომბი მოხვდა. ფრინველებიდან ყველა თუ არა, უმრავლესობა დაიღუპა,“ იტყობინება პარკის დამაარსებელი. ეკოპარკის ხელმძღვანელი ივან დოსტოვი გამოცემას მოუყვა, რომ დანგრეულია სამი ნაგებობა: ზამთრის შენობა, რომელშიც ფრინველები იმყოფებოდნენ, მტაცებელი ცხოველების შ...