„ქართველ დილერებს მანქანის 100-200 დოლარით ნაკლებად გაყიდვა მოუწევთ უცხოელებზე“ - ავტოიმპორტიორები

„ქართველ დილერებს მანქანის 100-200 დოლარით ნაკლებად გაყიდვა მოუწევთ უცხოელებზე“, - ასე ეხმაურება „ბიზნესპრესნიუსთან“ ავტოიმპორტიორთა ასოციაციის ხელმძღვანელი ალექსი ნონიაძე პარლამენტში დაინიცირებულ საკანონმდებლო ცვლილებებს. შეგახსენებთ, საქართველოს შინაგან საქმეთა სამინისტროს მომსახურების სააგენტოს გარკვეულ მომსახურებებზე საფასური იზრდება. კანონში შესატანი ცვლილებების მიხედვით, საფასურების ზრდა ეხება მხოლოდ უცხო ქვეყნის დანიშნულებით საქართველოში ტრანზიტულად გადაადგილებულ სატრანსპორტო საშუალებებზე გარე ტრანზიტული ნომრის გაცემის საკითხს და უცხო ქვეყნის მოქალაქეების მიერ საქართველოში შეძენილ სატრანსპორტო საშუალებებს, რომელთა ექსპორტი ან რეექსპორტი საქართველოდან ხდება. როგორც ნონიაძემ „ბიზნესპრესნიუსს“ განუცხადა, რეექსპორტის ნაწილში მომსახურების საფასურის მოსალოდნელი ზრდის გამო, შესაძლოა, ქართველ დილერს ფასდათმობაზე წასვლა მოუწიოს. „ტრანზიტის საფასურის გაძვირება, ამ კონკრეტულ შემთხვევაში, არ ეხება ქართველ დილერს. საფასური უძვირდება სხვა ქვეყნის მოქალაქეს, რომელსაც შემოჰყავს აქ ავტომობილი...