„ქართული ოცნება“ რიკოთის მაგისტრალის მშენებლობის დასრულებულ პროექტს „საუკუნის პროექტს“ უწოდებს

საქართველოს ოფიციალურმა პირებმა 29 დეკემბერს აღმოსავლეთ და დასავლეთ საქართველოს დამაკავშირებელი რიკოთის დასრულებული მაგისტრალი გახსნეს და მას „საუკუნის პროექტი“ უწოდეს. 52 კილომეტრიანი, ოთხზოლიანი ჩქაროსნული გზატკეცილი, რომელიც 51 გვირაბს და 97 ხიდს მოიცავს, მრავალწლიანი შეფერხებებისა და მის მშენებლობაში ჩართული კომპანიების ირგვლივ არსებული წინააღმდეგობის შემდეგ სრულად გაიხსნა. „ისტორიული მოვლენის მომსწრე ვართ თითოეული ჩვენგანი. დასრულდა საუკუნის პროექტი – რიკოთი, რომელსაც განსაკუთრებული მნიშვნელობა აქვს ჩვენი ქვეყნისთვის“, – განაცხადა „ქართული ოცნების“ პრემიერ-მინისტრმა ირაკლი კობახიძემ გახსნის ცერემონიაზე. ღონისძიებას საქართველოს აღმასრულებელი, საკანონმდებლო, ადგილობრივი ხელისუფლებისა და ბიზნესის წარმომადგენლები დაესწრნენ. პროექტი, რომლის ღირებულება დაახლოებით 2.6 მილიარდი ლარია, მსოფლიო ბანკის, ევროპის საინვესტიციო ბანკის და აზიის განვითარების ბანკის სესხებით დაფინანსდა. ირაკლი კობახიძემ განაცხადა, რომ საინჟინრო-გეოლოგიური და ტექნიკური პარამეტრების გათვალისწინებით, პრ...