"ქართული ლეგიონი" უკრაინის მოხალისეთა არმიის ნაწილი გახდა

უკრაინის მოხალისეთა არმიის მეთაურის, დმიტრო იაროშის, განცხადებით, "ქართული ლეგიონი" ოფიციალურად შევიდა მათ შემადგენლობაში. მან ლეგიონის მეთაურს, მამუკა მამულაშვილს, საბრძოლო დროშა გადასცა „ძმობის, ერთიანობისა და საერთო ბრძოლის ნიშნად“. „მეგობარ მამუკასთან ერთად 2014 წლიდან ვიბრძვით მოსკოვის შეუმდგარი იმპერიის წინააღმდეგ... მადლობას ვუხდი ღმერთს ასეთი თანამებრძოლი მეგობრისთვის და იმ პატივისთვის, რომ უკრაინის მოხალისეთა არმიის შემადგენლობაში "ქართული ეროვნული ლეგიონის" ხელმძღვანელობა მაჩუქა! უკრაინის თავდაცვის ძალები გაძლიერდა“, - დაწერა სოციალურ ქსელში პარლამენტის ყოფილმა წევრმა და „მემარჯვენე სექტორის“ ყოფილმა ლიდერმა დმიტრო იაროშმა. „ქართული ლეგიონი" ერთ-ერთი პირველი უცხოური საბრძოლო დანაყოფი იყო, რომელიც ომის დასაწყისშივე უკრაინის დასაცავად დადგა - უკრაინელ მოხალისეებთან მხარდამხარ. გულწრფელ მადლობას ვუხდით უკრაინის მოხალისეთა არმიის სარდლობას ღია გულისთვის, ძმობისა და გულწრფელი ნდობისთვის. ჩვენთვის დიდი პატივია ასეთ ადამიანებთან ერთად მსახურება. უკრაინას მეტი ასეთი მეთაური და პატრ...