ქალი პოლიტიკოსები ევა შაშიაშვილის გირაოთი გათავისუფლებას მოითხოვენ

ქალმა პოლიტიკოსებმა გენერალურ პროკურატურაში განცხადება შეიტანეს, რომლითაც მოითხოვენ 4 ოქტომბრის "მშვიდობიანი დამხობის" საქმეზე ბრალდებული ევა შაშიაშვილის გირაოთი გათავისუფლებას. პოლიტიკოსი ქალები, გენერალურ პროკურორთან გიორგი გვარაკიძესთან და მის მოადგილეებთან შეხვედრასაც მოითხოვენ. "ჩვენ ქალი პოლიტიკოსები ვდგავართ ერთად და მხარდაჭერას და სოლიდარობას ვუცხადებთ წინასწარ პატიმრობაში მყოფ ქალს, ევა შაშიაშვილს, ქვრივს მარტოხელა დედას, რომელსაც ჰყავს შეზღუდული შესაძლებობის მქონე შვილი, მას დედის გარდა სხვა მზრუნველი არ გააჩნია. ჩვენ ქალები, დედები და პოლიტიკოსები ვიაზრებთ დედა-შვილის მდგომარეობას და მოვითხოვს ევა შაშიაშვილს აღკვეთი ღონისძიების სახით შეფარდებული პატიმრობა შეეცვალოს გირაოთი",- წაიკითხეს მიმართვის ტექსტი გენერალურ პროკურატურასთან შეკრებილმა ქალებმა. აქციის მონაწილეები დღის ბოლომდე დაელოდებიან შეხვედრას. როგორც რადიო თავისუფლების კორესპონდენტი იტყობინება ადგილიდან, აქციის მონაწილეებს გენერალური პროკურატურის წარმომადგენელი ამ წუთებში ხვდება. 24 წლის მარიამი ევა შაშიაშვილის ერ...