ჯვრით უფრო ადვილია თუ უჯვროდ - ინტერვიუ მამა დოროთესთან

ის მღვდლობის შეჩერების შემდეგ საუბრობს პროტესტზე, თავის არჩევანსა და ეკლესიის მომავალზე, ადამიანის სიხარულის წყაროსა და სიმართლის ძალაზე. - მამა დოროთე, ჯვრით უფრო ადვილია თუ უჯვროდ? - ვფიქრობდი ამაზე. ღმერთს ვუთხარი, უფალო, ძალიან მადლობელი ვარ, რომ შენი მღვდელი ვარ, მაგრამ თუ შენი გულისთვის ამ მღვდლობას შემიჩერებენ, ესეც კარგი იქნება. რომელიც შენი ნებაა, ის იყოს-მეთქი. მე არ ვაპირებ ჩემი მღვდლობისთვის ბრძოლას. ბერი ვარ და ჩემი ბერობა უფრო დიდ თავისუფლებას მანიჭებს. - ბევრს ისედაც მხოლოდ ბერობა უნდა და არა მღვდლობა. - მეც ასე ვიყავი. ბერს მეტი თავისუფლება აქვს, მეტი საშუალება ღმერთთან განმარტოვდეს. სახლი არ გაქვს საკურთხებელი, პანაშვიდებზე სასიარულო. წირვას ესწრები, მაგრამ არ წირავ. ქადაგებაც შემიძლია, ამბიონიდან სტიქაროსანსაც კი შეუძლია ქადაგება, მაგრამ მამა შიოს (კვარაცხელია) პრობლემა რომ არ შევუქმნა, არ ვიქადაგებ ამბიონიდან. [არქიმანდრიტი შიო (კვარაცხელია), რომელიც სამების ტაძრის მღვდელია, ასევე მონაწილეობს საპროტესტო აქციებში. რ.თ.] - სამების მონასტერში კელია ისევ გრჩებათ?...