ჯულიეტას აივანი ფასიანი ხდება - იქ ფოტოს გადასაღებად კი მხოლოდ 60 წამი გექნებათ

იტალიის ქალაქ ვერონაში, ქალაქის ერთ-ერთი ყველაზე მნიშვნელოვანი ღირსშესანიშნაობა - ჯულიეტას აივანი ფასიანი ხდება. ამიერიდან, შენობის შიგნით განთავსებულ მუზეუმში ვიზიტისთვის 12 ევროს გადახდა მოგიწევთ. ჯულიეტას აივანი - იტალიის ერთ-ერთი ყველაზე მონახულებადი ადგილია. ყოველდღიურად მას 8 ათასზე მეტი ადამიანი სტუმრობს, რომლებიც უზარმაზარ რიგში დგებიან. გარდა ამისა, წყვილებს, რომლებიც აივანზე გასვლას მოახერხებენ, ამიერიდან მხოლოდ 60 წამი მიეცემათ ფოტოების გადასაღებად. ჯულიეტას სახლში დაშვებული ადამიანების რაოდენობა კი 130-დან 100-მდე შემცირდა. ვერონას მერიის განცხადებით, ეს ზომები მოგზაურთა უსაფრთხოებისთვის იქნა მიღებული. პიკის საათებში, ჯულიეტას სახლის ეზოში ტურისტების ბრბო იკრიბებოდა. ჯულიეტას სახლი, თავისი ცნობილი აივნით, მე-13 საუკუნის აღდგენილი რეზიდენციაა, რომელიც ოდესღაც დიდგვაროვან დალ კაპელოს ოჯახს ეკუთვნოდა - შექსპირის „რომეო და ჯულიეტაში“ კაპულეტების ოჯახის შთაგონების წყაროს წარმოადგენდა. ცნობისათვის, ვერონა ერთადერთი ქალაქი არ არის, რომელიც ყველაზე ცნობილ ღირსშესანიშნაობებზე წ...