ჯაღმაიძის თქმით, აქციებისას დაკავებულთა გათავისუფლების საკითხი სამჯერ დააყენეს

„პატიმრებთან დაკავშირებით სამჯერ გვაქვს დაყენებული საკითხი, რომ მსუბუქი დანაშაული ვისაც შეიძლება, რომ ჩაეთვალოს, იქნებ გათავისუფლდეს, მათ შორის მზია ამაღლობელთან დაკავშირებით“, - განაცხადა დეკანოზმა ანდრია ჯაღმაიძემ 31 დეკემბერს, საპატრიარქოს ტელევიზია „ერთსულოვნების“ დილის ეთერში. „ორჯერ მე თავად მქონდა საუბარი ამის შესახებ ხელისუფლებასთან. ერთხელ მეუფე შიომ [საპატრიარქო ტახტის მოსაყდრე შიო მუჯირმა] უშუალოდ პრემიერთან დააყენა ეს საკითხი“, - დასძინა მან. თუმცა, მისი თქმით, „არ მიეცა ამ საკითხს მსვლელობა“. ეს პირველი შემთხვევაა, როდესაც საპატრიარქოს წარმომადგენლები ამას საჯაროდ ამბობენ. „ჩვენ, ახლა, ამას არ ვაფიშირებთ და არ გვინდა, რომ ნებისმიერი ჩვენი აქტივობა რომელიმე პოლიტიკურ პოლუსზე აღმოჩნდეს ვიღაცის მიერ“, - განმარტა ჯაღმაიძემ. ამ საკითხზე დეკანოზმა ანდრია ჯაღმაიძემ ისაუბრა გადაცემის წამყვანის კითხვაზე პასუხად ქაშვეთის ტაძარში სასულიერო პირების როლთან დაკავშირებით. „ჩვენ გვსაყვედურობენ ხოლმე, თითქოს საპატრიარქო ჩამორჩა პროტესტის მხარეს მდგარ ხალხს. რამდენიმე სასულიერო პირმა ბ...