იტალიამ რუსეთიდან გამოსული გემი დააკავა, რომელმაც, სავარაუდოდ, სანქციების რეჟიმი დაარღვია

იტალიის ფინანსურმა პოლიციამ 17 იანვარს შავი ზღვის რუსული ტერიტორიული წყლებიდან ბრინდიზის პორტში შესული გემი დააკავა, რის საფუძველიც, სააგენტოს ცნობით, რუსეთის წინააღმდეგ ევროკავშირის სანქციების შესაძლო დარღვევა იყო. როგორც გემის, ასევე მასზე არსებული ტვირთის, რომელიც 33 000 ტონა შავ ლითონს მოიცავდა, დაკავებაზე ნებართვა ბრინდიზის სასამართლომ გასცა. იტალიის სამართალდამცავი ორგანოების მიხედვით, შემოწმების შედეგად გემის ბორტზე არსებულ დოკუმენტებში "სერიოზული დარღვევები" აღმოაჩინეს. ამასთან, ხომალდი სამეთვალყურეო სისტემებისთვის თავის არიდებასაც ცდილობდა. ხელისუფლების მიხედვით, ყოველივე მიანიშნებს, რომ გემის დატვირთვა იმ რუსულ პორტში მოხდა, რომელზეც ევროკავშირის სანქციები ვრცელდება. იტალიური გამოცემა Quotidiano di Puglia-ს ინფორმაციით, ბორტზე მოპოვებულმა მონაცემების ანალიზმა აჩვენა, რომ გემი გასული წლის 13-16 ნოემბერს ნოვოროსიისკის პორტში იმყოფებოდა, სადაც, სავარაუდოდ, დატვირთვის აკრძალულ საქმიანობაში იყო ჩართული. გამომძიებლებმა ასევე დაადგინეს, რომ ნოვოროსიისკის პორტის სიახლოვეს ხომალდმ...