ირანში მთელი ქვეყნის მასშტაბით საპროტესტო აქციები გრძელდება, მაშადში ხალხმა ირანის სახელმწიფო დროშა ჩამოხსნა

მთელ ირანში გაგრძელდა 8 იანვარს საპროტესტო აქციები. ქალაქ მაშადში ხალხმა სახელმწიფო დროშა ჩამოხსნა და დახია. ირანის ამჟამინდელი დროშა 1979 წლის ისლამური რევოლუციის შემდეგ მიიღეს და ისლამური რესპუბლიკის კრიტიკოსები ამ დროშას რეჟიმის დროშად მოიხსენიებენ და არა ქვეყნის დროშად.სოციალურ მედიაში გავრცელებული ვიდეოებიდან ჩანს, რომ გამოსვლებია დედაქალაქში: ესქანდარის, ნარმაქის, ვალიასრის, ქეშავარზის ბულვარის, იუსეფაბადის, აზადის ქუჩის, ასევე სხვა რაიონებში.გილანის პროვინციის ქალაქებიდან, თავრიზიდან, აჰვაზიდან, ქერმანიდან, ისპაანიდან, არაქიდან, ქემშაჰრიდან და თალეშიდან, ასევე გოლესთანის პროვინციის ქალაქ ბანდარ ღაზიდან ჩვენამდე მოდის ცნობები საპროტესტო აქციების შესახებ, სადაც დემონსტრანტები გაიძახიან ლოზუნგებს მთავრობის წარმომადგენლების, განსაკუთრებით კი ისლამურირესპუბლიკის ლიდერის, ალი ხამენეის წინააღმდეგ: „სიკვდილი დიქტატორს“, „ეს უკანასკნელი ბრძოლაა, ფეჰლევი დაბრუნდება“ და „თავისუფლება, თავისუფლება, თავისუფლება“.ნორვეგიაში დაფუძნებული არასამთავრობო ორგანიზაცია „ირანის ადამიანის უფლებების“ ც...