ირანში მასობრივი საპროტესტო გამოსვლებია, ეკონომიკის პრობლემების ფონზე

ანტისამთავრობო აქციები რამდენიმე ქალაქში მიმდინარეობს, თეირანის ჩათვლით. დემონსტრაციები დაიწყო ქუჩის მოვაჭრეების პროტესტით. მათ 30 დეკემბერს უნივერსიტეტების სტუდენტები შეუერთდნენ. შეხლა-შემოხლის შემთხვევები მოხდა დემონსტრანტებსა და პოლიციას შორის, დემონსტრანტთა დაშლის მცდელობისას პოლიცია იყენებდა ხელკეტებს და ცრემლმდენ გაზს. საპროტესტო აქციების ფონია კვლავ გაღრმავებული დაძაბულობა ირანის ატომური პროგრამის გარშემო. აშშ-ის პრეზიდენტმა, დონალდ ტრამპმა ორშაბათს, ისრაელის პრემიერ-მინისტრ ბენიამინ ნეთანიაჰუსთან მოლაპარაკების შემდეგ განაცხადა, რომ აშშ-მა, შესაძლოა, მხარი დაუჭიროს კიდევ ერთ მასშტაბურ დარტყმას ირანზე, თუკი თეირანი აღადგენს თავის სარაკეტო ან ბირთვულ პროგრამას. ტრამპის ვარაუდით, ირანის ხელისუფლება აშშ-ის მიერ ივნისში განხორციელებული დარტყმის შემდეგ შესაძლოა თავისი შეიარაღების პროგრამის აღდგენაზე მუშაობდეს ფორდოში, ნათანზსა და ისპაანში არსებულ ობიექტებზე - წერს სააგენტო Reuters-ი. ირანი - რომელმაც ივნისში 12-დღიანი ომი აწარმოვა ისრაელთან - ახლახან აცხადებდა, რომ მიმდინარე თვეში ო...