ირანში დიდი მსხვერპლის შესახებ ცნობები ვრცელდება

მიუხედავად იმისა, რომ ისლამური რესპუბლიკის სხვა ოფიციალური პირების მსგავსად, ძალადობას მომიტინგეებს მიაწერს და მათ „ტერორისტებად“ მოიხსენიეს, მისი განცხადება ასევე ცხადყოფს, რომ დაღუპულები არიან „მოსახლეობის სხვადასხვა ფენის“ წარმომადგენლები. რადიო თავისუფლების ირანული სამსახურის, რადიო "ფარდას" თანახმად, აჰმად მუსავი იყენებს ტერმინს „სახალხო მოწამეები“ და ამბობს, რომ ისინი ნაწამები არიან „ცივი და ცეცხლსასროლი იარაღით, საბრძოლო იარაღით, სანადირო იარაღით, დანებით, ნაჯახებით, სამართებლითა და ყველანაირი სასტიკი და წამების მეთოდით, ცეცხლის წაკიდებიდან თავის მოკვეთამდე და დახრჩობამდე“. ისლამური რევოლუციის გუშაგთა კორპუსთან აფილირებულმა საინფორმაციო სააგენტო „ფარსმა“ ასევე დაწერა: „მოკლულთა უმეტესობა რიგით ადამიანები და გამვლელები იყვნენ, რომლებიც არეულობის კონტექსტთან არ იყვნენ დაკავშირებული“. ციფრული იზოლაციის პირობებში ვერ ხერხდება გავრცელებული ინფორმაციის, ასევე დაღუპულთა, დაკავებულთა და დაშავებულთა შესახებ ზუსტი ინფორმაციის გადამოწმება. უფლებადამცველმა ჯგუფმა 13 იანვარს, გვიან ღამით...