ირანმა საქართველოში ელჩად დანიშნა დიპლომატი, რომელიც თალიბანმა ავღანეთიდან გააძევა

ახალდანიშნული ელჩი აცხადებს, რომ პრეზიდენტმა მასუდ ფეზეშქიანმა დაავალა საქართველოსთან „ორმხრივი და მრავალმხრივი დიალოგის“ გაძლიერება და „კონსტრუქციული ტრანსრეგიონული თანამშრომლობის“ მნიშვნელობას გაუსვა ხაზი. საქართველოში ირანის საელჩო ახალი ხელმძღვანელის დანიშვნის შემდეგაც აგრძელებს ტრადიციულ საქმიანობას, მათ შორის ქართულ ენაზე აქტიურად აზიარებს ცენტრალური მთავრობის გზავნილებს - აშშ-ს „ტერორისტულ რეჟიმს“ უწოდებს და ირანში ხალხის მღელვარებაზე პასუხისმგებლობას ვაშინგტონს აკისრებს. საქართველოში ირანის ისლამური რესპუბლიკის ახალი ელჩი არის სეიედ ალი მოჯანი, - დიპლომატი, რომელსაც ირანის სახელმწიფო სტრუქტურებში მუშაობის მრავალწლიანი გამოცდილება აქვს. არაერთხელ უმოგზაურია საქართველოშიც. განათლებით ისტორიკოსი, სეიედ ალი მოჯანი არის ირანის სახელმწიფო ინსტიტუტის, პრეზიდენტის ადმინისტრაციას დაქვემდებარებული „ირანოლოგიის ფონდის“ მრჩეველი. არის ახლო აღმოსავლეთის რეგიონის ექსპერტი. 2017 წელს მუშაობდა ბერლინში ირანის საელჩოს კულტურის დეპარტამენტში. კიდევ უფრო ადრე იყო ირანის საგარეო საქმეთა სამინ...