ირანის საგარეო საქმეთა მინისტრი ირწმუნება, რომ მომიტინგეების ჩამოხრჩობის ან სხვაგვარი სიკვდილით დასჯის უახლოესი გეგმები არ არსებობს

რაც, მისი სიტყვებით დიდი რაოდენობით მსხვერპლის შექმნას ისახავდა მიზნად. ამის შესახებ ირანის საგარეო საქმეთა მინისტრმა აბას არაყჩიმ FOX News-თვის მიცემულ ინტერვიუში განაცხადა. შეკითხვაზე, რომ ირანში დაღუპულთა რიცხვი შესაძლოა 2500-დან 12000-მდე მერყეობდეს, ირანის საგარეო უწყების ხელმძღვანელმა უპასუხა, რომ დაღუპულია ასობით ადამიანი. მისი თქმით, ეკონომიკურ საკითხებზე დაწყებული მშვიდობიანი აქციები ათის დღის შემდეგ გახდა ძალადობრივი მას შემდეგ, "როდესაც გარედან ტერორისტული ელემენტები შემოვიდნენ ამ საპროტესტო აქციებში, დაიწყეს პოლიციის ძალების, პოლიციის თანამშრომლებისა და უსაფრთხოების ძალების მიმართულებით სროლა". მისი სიტყვებით ეს იყო „დაეშის“ სტილის ტერორისტული ოპერაციები". არაყჩის მტიკიცებით ბოლო სამი დღის განმავლობაში "ფაქტობრივად ტერორისტების წინააღმდეგ ვიბრძოდით და არა მომიტინგეების". მან გაიმეორა ირანის ხელისუფლების მანამდე გამოხატული პოზიცია, რომ „თაღლითმა, ტერორისტების მსგავსმა აქტორებმა“ მშვიდობიანი მოსახლეობის მიმართულებით სროლა ერთი მიზნით დაიწყეს, რომ კონფლიქტში ჩართულიყო შეერთე...