ირანის საელჩოსთან დაკავებული ნუცა მახარაძის სასამართლო 27 თებერვალზე გადაიდო

მოსამართლე ზვიად ცეკვავამ მისი პროცესი 27 იანვარს გადადო მას შემდეგ, რაც მახარაძე სასამართლო დარბაზში ცუდად გახდა და მის დასახმარებლად ექიმი გამოიძახა. ნუცა მახარაძე ირანის მხარდამჭერ აქციებზე ამ დრომდე ერთადერთი დაკავებულია - ის 14 იანვარს დააკავეს. ნუცა მახარაძე, როგორც აქტიური მოქალაქე და ანტისამთავრობო გამოსვლების მონაწილე, გარდა პროტესტის დროს დაკავებისა, გამხდარა თავდასხმის სამიზნეც - მის საცხოვრებელ სახლში "ბრილიანტის მწვანით" თავდამხსმელი პოლიციას ამ დრომდე არ ჰყავს ნაპოვნი. ნუცას და მის ორ მეგობარს, ქეთი ჯაჯანაშვილს და სალომე სარიშვილს 5 მაისის ღამეს სახლში მისულებს, ლიფტთან მათთვის უცნობმა ადამიანმა ბრილიანტის მწვანე, იგივე “ზელიონკა” და წიწაკის სპრეი სახეში და კისრის მიდამოებში შეასხა. ისინი ამ დროს რუსთაველის გამზირზე გამართული საპროტესტო აქციიდან ბრუნდებოდნენ სახლში.