ირანის მედიის ცნობით, ბოლო დროის საპროტესტო აქციების დროს 3000 ადამიანი დააკავეს. HRANA-ს მონაცემებით - 18 470

ირანში გამართული ბოლო დროს გამართული საპროტესტო აქციების დროს დაახლოებით 3000 ადამიანი დააკავეს, - ამის შესახებ იტყობინება ქვეყნის საინფორმაციო სააგენტო „თასნიმი“ 16 იანვარს უსაფრთხოების სამსახურის წარმომადგენლის ნათქვამზე დაყრდნობით. ბოლო თითქმის სამი კვირის განმავალობაში მიმდინარე საპროტესტო გამოსვლები მთავრობამ ჩაახშო. გავრცელებული ცნობებით, ქალაქებში სიმშვიდეა. „თასნიმის“ ცნობით, რომელიც ირანის უსაფრთხოების ძალებთან დაახლოებულ ორგანიზაციად ითვლება, დაკავებული 3000 ადამიანს შორის არიან „შეიარაღებული პირებიდა მეამბოხეები“ და „ტერორისტული ორგანიზაციების წევრები.“ მასობრივი დემონსტრაციები, რასაც წინ ეკონომიკური კრიზისი უსწრებდა, 28 დეკემბრიდან დაიწყო თეირანსა და სხვა მრავალ ქალაქში.უფლებადამცველები იუწყებიან დიდ მსხვერპლზე. HRANA-ს მონაცემებით, 617 საპროტესტო აქციაზე ირანის 187 ქალაქში, სულ მცირე 18 470 ადამიანი დააკავეს, ხოლო მოკლულთა დადასტურებული რიცხვი 2 615- უდრის