ირაკლი კობახიძის თქმით, თბილისის აეროპორტის გაფართოებაზე ხელშეკრულებას ხელს ფრანგულ Groupe ADP-სთან მოაწერენ

„განსაკუთრებული მადლობა მინდა გადავუხადო ჩვენს უცხოელ პარტნიორებს - Groupe ADP-ს და კომპანია TAV-ს საქართველოს აეროპორტების განვითარების პროცესში მრავალწლიანი ნაყოფიერი თანამშრომლობისთვის“, - განაცხადა ირაკლი კობახიძემ. მისი თქმით, აეროპორტის გაფართოებისთვის ინვესტიციის სახით 150 მილიონი დოლარი ჩაიდება. მანვე აღნიშნა, რომ Groupe ADP-ის მფლობელობაში არსებული კომპანია TAV-ი თბილისის საერთაშორისო აეროპორტის მართვას დამატებით 5 წლით, 2031 წლის ბოლომდე გააგრძელებს.