იყო თუ არა უკრაინული დრონების იერიში ვალდაიში?

ომის შესწავლის ინსტიტუტის (ISW) მიერ მომზადებული ანგარიშის თანახმად, კრემლმა „არ წარმოადგინა არანაირი მტკიცებულება“, რომ უკრაინამ პუტინის რეზიდენციაზე თავდასხმა განახორციელა. უკრაინის პრეზიდენტმა ვოლოდიმირ ზელენსკიმ 30 დეკემბერსავე განაცხადა, რომ უკრაინას რუსეთის პრეზიდენტის რეზიდენციაზე იერიში არ მიუტანია. არსებული მტკიცებულებები იძლევა ეჭვის საფუძველს, რომ პუტინის ვალდაის რეზიდენციაზე უკრაინული დრონების იერიში დეზინფორმაციაა. ვოლოდიმირ ზელენსკიმ ფეიკი უწოდა პუტინის რეზიდენციაზე თავდასხმის შესახებ გავრცელებულ ბრალდებებს. უკრაინის პრეზიდენტმა ასევე განაცხადა, რომ მან ამის შესახებ აცნობა მომლაპარაკებელთა ჯგუფის წარმომადგენლებს, რომლებთანაც კიევი უკრაინაში ომის დასრულების პირობებს განიხილავს. „ჩვენს პარტნიორებს ყოველთვის შეუძლიათ გამოიყენონ თავიანთი ტექნიკური შესაძლებლობები იმის შესამოწმებლად, რომ ეს ნამდვილად ტყუილი იყო“, - თქვა ზელენსკიმ. მისი აზრით, ვალდაის რეზიდენციაზე იერიშის შესახებ რუსეთის წარმომადგენლების განცხადებები შესაძლოა უკავშირდებოდეს უკრაინასა და შეერთებულ შტატებს შორის...