გრენლანდიის ფაქტორი და ტარიფები - როგორ რეაგირებენ მსოფლიო ბაზრები

გლობალურ ფინანსურ ბაზრებზე არასტაბილურობა გაიზარდა მას შემდეგ, რაც აშშ-ის პრეზიდენტმა დონალდ ტრამპმა განაცხადა, რომ ევროპულ ქვეყნებს დამატებით ტარიფებს დაუწესებს, ვიდრე შეერთებულ შტატებს გრენლანდიის შეძენის ნებართვა არ მიეცემა. აღნიშნულმა განცხადებამ აქციების ვარდნა და დოლარის შესუსტება გამოიწვია. ინფორმაციას Reuters-ი  ავრცელებს.ტრამპის განცხადებით, 1 თებერვლიდან დანიის, ნორვეგიის, შვედეთის, საფრანგეთის, გერმანიის, ნიდერლანდების, ფინეთისა და დიდი ბრიტანეთის პროდუქციაზე 10%-იანი იმპორტის ტარიფი დაწესდება, რომელიც 1 ივნისიდან 25%-მდე გაიზრდება, თუ მხარეები შეთანხმებას ვერ მიაღწევენ. ევროკავშირის წამყვანმა ქვეყნებმა ეს განცხადება შანტაჟად შეაფასეს, ხოლო საფრანგეთმა უპრეცედენტო ეკონომიკური საპასუხო ზომების განხილვა დაიწყო.ვალუტის ბაზრებზე დოლარის მიმართ ნეგატიურმა განწყობამ იმატა. ევრო 0.26%-ით გამყარდა და 1.1628 დოლარს მიაღწია, ნოემბრის შემდეგ ყველაზე დაბალ ნიშნულს ჩამოსცდა. ინვესტორებმა დოლარის გაყიდვა დაიწყეს, რამაც სხვა ძირითადი ვალუტების გამყარება გამოიწვია.ევროპის საფონდო ბაზრებზე E...