გიორგი სანიკიძე: „ირანელი დემონსტრანტები რეჟიმს გარედან დახმარების გარეშე ვერ შეცვლიან“

სუსტია თუ არა რეჟიმი ირანში? შესაძლებელია ჩამოიშალოს? როგორ აისახება ეს საქართველოზე? ილიას ინსტიტუტის პროფესორი გიორგი სანიკიძე საუბრობს თეირანში ხელისუფლების ტრანსფორმაციასა და ამერიკის როლზე რეგიონალურ რისკებთან მიმართებაში. - ბატონო გიორგი, რას შევცქერით დღეს ირანში? ეს დროებითი კრიზისია, რომლის მსგავსი ბოლო წლებში ცოტა არ ყოფილა, თუ შესაძლებელია რეჟიმი მართლაც შეიცვალოს? - ბევრ რამეს ვერ ვხედავთ, რადგან ირანიდან ინფორმაციის მიღება ძალიან რთულია. შესაძლოა, ახლა „სტარლინკმა“ (თანამგზავრების სისტემა) მდგომარება გააუმჯობესოს, არ ვიცი. მაგრამ, რა თქმა უნდა, ეს უკვე განსხვავებული დონეა, თუკი სხვა დანაშაულებს შევადარებთ, განსაკუთრებით 2019 და 2022 წლებისას, რადგან ბევრი მიზეზის გამო ახლა ეს რეჟიმი სუსტია, როგორც არასდროს. კიდევ შეიძლება დავამატოთ ის, რომ ირანის მოსახლეობის აბსოლუტურ უმრავლესობაში არსებობს კონსენსუსი რეჟიმის შეცვლაზე, მაგრამ მაინც ძალიან რთულია განსაზღვრო, რა იქნება. - მზადაა მოსახლეობა ასეთი ცვლილებებისთვის? - ამას მოსახლეობა ვერ მიიყვანს ბოლომდე. ირანის შიგნით ასეთ...