ღაზაში ნანგრევებიდან ცხედრების ამოტანას ცდილობენ - ქარიშხალი საფრთხეს უქმნის ომის დროს დაზიანებულ შენობებს

Reuters-ის ცნობით, პარასკევს, ღაზაში ორი შენობა ჩამოინგრა, რასაც, ადგილობრივი ჯანდაცვის ორგანოების ცნობით, სულ მცირე, 12 ადამიანი ემსხვერპლა. ქარიშხალმა წაიღო კარვები და დაიტბორა ტერიტორიები, რასაც ასევე მსხვერპლი მოჰყვა. ისრაელი და ჰამასი (აშშ-ის და ევროკავშირის მიერ ტერორისტულად აღიარებული ორგანიზაცია), ორწლიანი ინტენსიური დაბომბვისა და სამხედრო ოპერაციების შემდეგ, ოქტომბერში ცეცხლის შეწყვეტაზე შეთანხმდნენ. თუმცა ჰუმანიტარული ორგანიზაციების ცნობით, ღაზაში, სადაც თითქმის მთელი მოსახლეობა უსახლკაროა, დახმარება ჯერ კიდევ ძალიან მცირე რაოდენობით აღწევს. ღაზის სამოქალაქო თავდაცვის წარმომადგენელმა, მაჰმუდ ბასალმა საერთაშორისო საზოგადოებას მოუწოდა, იძულებით გადაადგილებული პალესტინელებს, კარვების ნაცვლად, გადასატანი სახლები და ფურგონები გაუგზავნონ. „თუ ადამიანები დღეს არ იქნებიან დაცული, ჩვენ ამ შენობებში ვიხილავთ კიდევ უფრო მეტ მსხვერპლს - მეტ დაღუპულ ადამიანს, ბავშვებს, ქალებს, მთელ ოჯახებს“, - თქვა მან. ღაზის ხელისუფლება კვლავ აგრძელებს სამუშაოებს 9000-მდე ცხედრის ამოსატანად - მათი შე...