"გაზპრომის" ცნობით, 2025 წელს საქართველოში გაზის ექსპორტი 40%-ით გაზარდა

კომპანიის მიერ 13 იანვარს ტელეგრამზე გავრცელებული ცნობების თანახმად, ყაზახეთში, უზბეკეთსა და ყირგიზეთში მიწოდება 22,2%-ით გაიზარდა. რადიო თავისუფლება 2025 წლის მაისში იუწყებოდა, რომ საქართველოს სტატისტიკის ეროვნული სამსახურის (საქსტატის) მონაცემებით, 2025 წლის პირველ კვარტალში რუსეთისგან შეძენილი გაზის საფასურმა პირველად ორი ათეული წლის განმავლობაში გადააჭარბა აზერბაიჯანისგან შესყიდული გაზის ფასს. საქსტატის საიტზე გამოქვეყნებული ბოლო ინფორმაციის თანახმად, გასული, 2025 წლის იანვარ-ნოემბერში საქართველომ რუსულ გაზში 202 293 მლნ დოლარი გადაიხადა მაშინ, როცა აზერბაიჯანულში - 123 140 მლნ დოლარი. საქართველოს ეკონომიკის სამინისტროს მიერ დამტკიცებული დოკუმენტის თანახმად, ქვეყანაში გაზის მიწოდებამ 2026 წელს 3,34 მილიარდ კუბურ მეტრს უნდა მიაღწიოს. დოკუმენტში მითითებულია, რომ ამ მიწოდების 87% მოდის აზერბაიჯანზე (შაჰ-დენიზის კონსორციუმსა და SOCAR-ზე), ხოლო დაახლოებით 400 მილიონი კუბური მეტრის (დაახლოებით 11%) იმპორტი რუსეთიდან იგეგმება. თუმცა ბალანსის მაჩვენებლები ხშირად კორექტირდება ხოლმე მიწ...