„გაზპრომი“ აცხადებს, რომ 2025 წელს საქართველოს 40%-ით მეტი ბუნებრივი აირი მიაწოდა

რუსეთის სახელმწიფო საკუთრებაში არსებულმა ენერგეტიკულმა გიგანტმა „გაზპრომმა“ განაცხადა, რომ ცენტრალურ აზიასა და სამხრეთ კავკასიაში გაზის ექსპორტის ზრდის ფონზე, 2025 წელს საქართველოს 40.4%-ით მეტი გაზი მიაწოდა წინა წელთან შედარებით.   „გაზპრომმა“ ასევე განაცხადა, რომ 2025 წელს ყაზახეთში, უზბეკეთსა და ყირგიზეთში გაზის მიწოდება 22.2%-ით გაზარდა. კომპანიის თქმით, 2025 წელს პირველად მიაწოდა ჩინეთს მეტი გაზი, ვიდრე ევროპას. ჩინეთში ექსპორტმა გაზსადენის „ციმბირის ძალა“ მეშვეობით 38.8 მილიარდ კუბურ მეტრს მიაღწია. „საქსტატის“ 2025 წლის იანვარ-ნოემბრის მონაცემებით, ნავთობის აირები და სხვა აირისებრი ნახშირწყალბადები, მათ შორის ბუნებრივი აირი, რუსეთიდან იმპორტირებული საქონლის მოცულობით მეორე ადგილზეა. ამ პერიოდში საქართველომ რუსეთიდან 572.5 ტონა ამ პროდუქტების იმპორტი განახორციელა, რომლის საერთო ღირებულებამ 160.9 მილიონი აშშ დოლარი შეადგინა. ეს წლიურად 73.7 ტონით მეტია 2024 წლის ანალოგიურ პერიოდთან შედარებით, როდესაც იმპორტმა 498.8 ტონა შეადგინა 140.2 მილიონი აშშ დოლარის ღირებულებით. „საქსტატ...